Mefâ’îlün Mefâ’îlün Mefâ’îlün Mefâ’îlün
1 Bütün ‘âlem elümden çıkdı sandum yâri incitdüm
Göñül mülkin nice ma’mûr idem mi’mârı incitdüm
2 Rızâsın gözleyüp emrine tâbî’ olmak isterken
Bed-ahvâl ile hayfâ şâh-ı nîk-etvârı incitdüm
3 Hilâf-ı muktezâsın ıztırâren iltizâm itdüm
Emîn eyle Hudâ[yâ] tab’-ı defterdârı incitdüm
4 Umar idüm dil-âverlik idem meydân-ı hidmetde
Kazâ-yı gör bu leşgergâhda serdârı incitdüm
5 Hatâ şâh-ı kerem yanında Bürhân-ı ‘atâdur çün
Hatâdur Vecdiyâ sakın dime dildârı incitdüm
Filibeli Dervişzade Abdurrahman Vecdi Kimdir
Prof. Dr. Hasan KAVRUK, Dr. Bahir SELÇUK, FİLİBELİ VECDÎ ve DÎVÂN’I (METİN-DİZİN), © T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3366 ,MALATYA 2009
