[mef˓ūlü / mefā˓/lü / mefā˓/lü / fe˓ūlün]
1 būs-ı leb-i yār olmasa peymāne çekilmez
b/-muṭrib ü ney na˓ra-yı mestāne çekilmez
2 biryāna baḳıp bāde-keşān sofralarında
zāhid çekerek sübḥayı bir yana çekilmez
3 menşūr-ı mülūk üstüne ṭuġrā-yı keş/de
ebrū-yı dil-ārā gibi şāhāne çekilmez
4 ḫam etmiş iken hāle gibi ḳaddimi cevri
ol māh yine s/ne-yi ˓uryāna çekilmez
5 tā olmayıcaḳ dest-res-i dāmen-i cānān
pāy-ı ṭalebim gūşe-yi dāmāna çekilmez
6 senc/de-güher eyleyegör ḳadriŋi yoḫsa
herkes meh-i Ken˓ān gibi m/zāna çekilmez
7 ebnā-yı zamān püştüne bār olma ḥaẕer ḳıl
kām almaġ içün ş/ve-yi ḥ/zāne çekilmez
8 Vehb/ niçe çeksin seni erbāb-ı süḫan kim
bu vād/-yi nev-ṭarz-ı levendāne çekilmez
Yrd. Doç. Dr. Ahmet YENİKALE, SÜNBÜL-ZÂDE VEHBÎ DÎVÂNI, Kahramanmaraş 2012
