239
. . - - / . . - - / . . - - / . . –
 
Sâkiyâ gel senün ile mey-i gülfâm idelüm
Ayağı götürelüm fikr-i ser-encâm idelüm
Nice bir zühd ile takvâ nice bir savm ü salât
Bursa dil-berleri ile gel e bayram idelüm
İçelüm hûblarun gözine gelsün mey-i nâb
Meclisi zînet idüp hep gül ü bâdâm idelüm
Sabr u ârâmumuzı aldı perî-peykerler
Nice sabr eyleyelüm ya nice ârâm idelüm
Gel Revânî seni sâkî ile barışduralum
Elin ayağın öpüp yalvarup ikdâm idelüm
 
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8