40.
- - . - / - - . - / - - . - / - - . –
1.Burc-ı hamelde revzen-i hûrşîdden saçıldı zer
Çıkdı ‘adâlet kasrına nev-rûz-ı sultânî meger
2.İdüp şeh-i hâver-zemîn hayl-i bahârî der-kemîn
Kıldı yine zîr-i nigîn rûy-ı zemîni ser-te-ser
3.Şâh-ı bahârî her sene hükmin yürüdür gülşene
Tûmâr-ı zanbakdan yine geldi ‘adâlet-nâmeler
4.Bülbül idüp her-sû nidâ şâh-ı şecer açdı livâ
Mülk-i çemen üzre sabâ ezhârdan ‘asker sürer
5.Bâd-ı bahâr olup vezân her gonca açdı câmedân
Gül engine giydi hemân bir câme-i pür-zîb ü fer
6.Şâh-ı gül üstinde meger bir âşiyândur verd-i ter
Uçmaga her bergi açar mânend-i lücce bâl ü per
7.Yine ‘Atâyî lâleden micmer-firûz oldı çemen
Oldı mu‘attar pîrehen gülzârda her verd-i ter
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
