187
Mefâ‘îlün mefâ‘îlün mefâ‘îlün mefâ‘îlün
1 Bu gül-şende dem-â-dem ol güli turma hayâl eyle
Nedür bülbül tegi feryâd yeter kat‘-ı makâl eyle
2 Dilerseñ nâm-ver olmak bu bâzâr-ı cihân içre
Varup İbrâhîm Edhem tek libâsıñ köhne-şâl eyle
3 Bu nâ-dânlık ile sïfî varılmaz menzile bi'llâh
Yüzüñ sür pâyine git hıdmet-i ehl-i kemâl eyle
4 Niçe bir sîm ü zer fikriyle me’lûf eylediñ kalbi
Yeter ey dil birez de hâsıl-ı ‘irfân u hâl eyle
5 Niçün Sıdkî idersin her hasîse râzıñı ifşâ
İdersen hâliñi bârî Kerîme ‘arz-ı hâl eyle
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0
