193
Fâ‘ilâtün fâ‘ilâtün fâ‘ilâtün fâ‘ilün
1 Bu fenâ bezminde aslâ şimdi râhat kalmadı
Gussa vü gamdur bütün dillerde safvet kalmadı
2 Var imiş evvel kemâl ehline hüsn-i iltifât
Kaldı zilletde hele erbâb-ı himmet kalmadı
3 Oldı ‘âlî bu ne hikmetdür edânî zümresi
‘Âkil-i sencîdeye ‘âlemde ragbet kalmadı
4 Münzevî oldı ‘umûmen ‘ârif-i esrâr-ı Hak
Görinür bu ‘arsada sâhib-kerâmet kalmadı
211
5 Oldı memlû yer-be-yer şûr u fesâdât ü nizâ‘
Nâs içinde zâhir olmadık ‘alâmet kalmadı
6 İrtişâ semtine mâ’il zâbitânıñ cümlesi
Toldı cevr ile cihân rahm u ‘adâlet kalmadı
7 Hisset ile oldı me’lûf mâlik-i dînâr olan
Agniyâda şimdi Sıdkî hîç sahâvet kalmadı
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0
