Bu cevri kim mana ol kalb-i seng-hâre kılur
Tîg-i cefâ ile bağrumnı pâre pâre kılur
Felekde bir gice ol mâh-tâbı görmek içün
Şerer bu âhum odından çıhar sitâre kılur
Hûn-âb-ı çeşmümi yârun gamı revân ideli
Fakîh-i medrese ez-eşk-i mâ kenâre kılur
Kemâne kaşları âşüfte zülf ü gamzeleri
Nice bu mihnet ü cevr ü cefâyı yâra kılur
5. Cemâli ayına ol dil-berün nazar kılmağ
Derûn-ı âyîne-i kalbi bî-gubâra kılur
Aceb degül mi kim ol sûret-i cemîlu’llah
Sehâb-ı sünbülini âfitâba târa kılur
Hakîkî cevr ü cefâdan kime şikâyet ide
Cefâ vü cevrini çün yârı bî-şümâra kılur
CİHÂNŞÂH HAKÎKÎ’
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368
