Bu cefâdan ki kadeh ağzun öper döne döne
Bu cefâdan ki kadeh ağzun öper döne döne
Nâr-ı gayretde kebâb oldı ciğer döne döne
Ne revâdur bu ki ben kâmetümi halka kılam
İnce belün koca karşuma kemer döne döne
Gözlerüm kıblenümâ gibi olupdur nola ger
İşiğün cânibine kılsa nazar döne döne
Sensen ol şâh-ı felek-mertebe kim leyl ü nehâr
Yüz sürer işiğüne şems ü kamer döne döne
Girye vü zâri ile oldı Necâtî dolâb
Gülsitân-ı ser-i kûyunı sular döne döne
