Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Gam neden lâzım gelür saña ki başuñ sagdur
Şâh-ı devrânsın felekler üstüñe otagdur
Birisidür Dicle anuñ biridür nehr-i Furat
Fürkatüñde gözlerüm yaşı iki ırmagdur
Sen güneş-ruhsâr ‘ışkına düşüpdür var ise
Âsmânuñ sînesi ey meh ser-â-ser dâgdur
Câm-ı la‘l-i yâri yâd eyle ayag al destüñe
Nev-bahâr eyyâmıdur çık mest olacak çagdur
Gülşen-i kûyında yâr olduñ rakîbe âh kim
Ravziyâ bülbülsün ammâ hem-nişînüñ zâgdur
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
