[fā˓ilātün / fā˓ilātün / fā˓ilātün / fā˓ilün]
1 bir ṭaraf serv-i çemen ol ḳadd-i bālā bir ṭaraf
bir ṭaraf gül yāsemen ol rūy-ı z/bā bir ṭaraf
2 tāze tāze bāġ-ı ḥüsnünde leṭāfet gösterir
ḫaṭṭ-ı şebbū bir ṭaraf zülf-i semen-sā bir ṭaraf
3 nev-ḫırāmānı uzaḳdan seyr eder üftādeler
ṭurmuş a˓lā bir ṭaraf gülşende ednā bir ṭaraf
4 ber-ṭaraf olsun ki zāhid bezmimizde yoḳ yeri
bir ṭaraf rindān dizilmiş cām-ı m/nā bir ṭaraf
5 Vehbiyā her naẓrası dünyā vü mā-f/hā deger
geçmem ol şūḫ-ı cihāndan olsa dünyā bir ṭaraf
Yrd. Doç. Dr. Ahmet YENİKALE, SÜNBÜL-ZÂDE VEHBÎ DÎVÂNI, Kahramanmaraş 2012
