Fâ‘ilâtün Fâ‘ilâtün Fâ‘ilâtün Fâ‘ilün(1)
1. Bir şeh-i sahrâ-nişînem sâye-bânumdur sehâb
Aña peyvest olmış âhum şu‘lesi zerrîn-tınâb
2. Olalı peykân-ı tîrüñden cüdâ bu zahmumuñ
Geçmedi halkuñdan ey kaşı kemân bir katre âb
3. Mîve-i dâguñla pür gördi dıraht-i kaddümi
Asdı dil dûd-ı siyâhından aña perr-i gurâb
4. İgne sançalı hayâl-i gamze-i dil-dûz aña
Olmadı bir gice râhat pister-i dîdemde hâb
5. ‘Aks-i la‘li gözde iken na‘ra-i mestânemi
Gûş idüp dimiş gözine geldi Emrînüñ serâb
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
