Bir şâha kulam kim kulı sultân-ı cihândur
Mihr-i ruhı şems-i felege nûr-feşândur
 
2. Katlüme ya müjgânı ya tîri sebeb olmuş
Çün öldüriser tîr hemân tîğ hemândur
 
3. Zülfüñ şeb-i Kadr oldı kaşuñ ‘îd hilâli
Vasluñ dem-i ‘îd oldı firâkuñ ramazândur
 
4. Ol Yûsüf-i hüsn urdı dile nîze-i hecri
Cânumı alan nîze degül belki sinândur
 
5. ‘Avnî gözi Mahmûd şehüñ bakduğı bu kim
Mülkin dahîler zabt ider aña nigerândur
 
Fatih Sultan Mehmet Hayatı

Avni Divanı

Anekdotları