115
Fâ‘ilâtün Fâ‘ilâtün Fâ‘ilâtün Fâ‘ilün
1 Bir sadef idi cihânda ay u gün oldı dü-nîm
Ol sadefden sen zuhûra geldüñ ey dürr-i yetîm
2 Kanlı yaşum katre katre dökülür itdükçe âh
Tagıdur gûyâ ki gül yapragını bâd-ı nesîm
3 İki göz ile nazar itmez baña ol kaşı yâ
Ben ne deñlü ok gibi yolında olsam müstakîm
4 N’ola a‘zâsı kararsa sâye-i dîldârumuñ
Yire urmışdur boyınca Sun‘iyâ ol serv-i sîm
5 Rişte-i nazm ile yine tâze güller baglayup
Bâd-ı âhumla saña gönderdüm ey yâr-ı kadîm
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
