Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Bir perîyem hıl‘at-i hüsnüm yaraşukdur baña
Her benî-âdem müsahhar olsa lâyıkdur baña
Gonca-i ‘Azrâ-‘ızârıyam melâhat bâgınuñ
Gülşenümde bülbül-i şûrîde Vâmık’dur baña
Hançer-i cevrümle her kim sînesin çâk eylemez
Gelmesün meydâna yâr-ı nâ-muvâfıkdur baña
Dâ'imâ ‘uşşâkuma cevr ü cefâdur ‘âdetüm
Zerrece mihr ü vefâ bir emr-i hârıkdur baña
‘Âşıkum sanma ki sensin Ravziyâ ancak hemân
Ser-be-ser mecmû‘-ı ‘âlem halkı ‘âşıkdur bana
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
