112
Fâ‘ilâtün Fâ‘ilâtün Fâ‘ilâtün Fâ‘ilün
1 Bir perî zülfi ucındandur perîşân oldugum
Bir sanem tasvîrinedür mest ü hayrân oldugum
2 Bir saçı Leylî firâkından durur Mecnûn gibi
Kuşanup tennûre ben ‘uryân u biryân oldugum
3 Yolıña cânlar virenle virmeyen yeksân imiş
Hep hebâ oldı benüm hâk ile yeksân oldugum
4 Mühre-i maksudı bir lu‘b ile kapdı hep budur
Hokkabâz-ı dehrüñ esrârında hayrân oldugum
5 Bir zamân makbûl gulâm idüm o Yûsuf-sûrete
Kanı Mısr-ı ‘izzete ey Sun‘i sultân olduğum
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
