Fe‘ilâtün/ Fe‘ilâtün/ Fe‘ilâtün/ Fe‘ilün
Bir perî zâhir olup nâm-ı şerîfi Şâmî
Çeşmüme kıldı benüm subh ile bir ahşâmı
Kıldı bünyâd-ı cefâ gerçi ‘Acem mülkinde
Zulm ile yıkdı harâb eyledi Rûm’ı Şâm’ı
Gün gibi rûşen ider mihr-i ruhı âfâkı
Gerçi Şâmîdür o meh-pârenüñ ey dil nâmı
Varayın bir gice ahşamlamaga aña dimiş
Hak nasîb eylese görsem o mübârek şâmı
Günümüz rûz-ı sa‘îd olsa görüp mihr-i ruhın
Ravziyâ gelse ne hoş idi safâ eyyâmı
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
