Mefâ‘îlün/ Mefâ‘îlün/ Mefâ‘îlün/ Mefâ‘îlün
Bir oglan idi âhum şimdi boy çekmiş bülend olmış
Sipihr-i bed-fi‘âle dik gelür makdem levend olmış
Bu vîrân sînemi ma‘mûr idel’den dâglar yer yer
Görenler dir ki bu hâlî beyâbân kûy u kend olmış
Şerâre sanma sen mâhı felekde görmek eclîçün
Burâk-ı âh-ı dil çeşmüm şu‘â‘ına semend olmış
Vücûdum şîr-i mihre menzil olup ey güneş yüzli
Aña bu rişte-i cânum dahı muhkem kemend olmış
Sımış câm-ı gurûru geçmiş ol mestâneliklerden
Olalı mübtelâ ‘ışka Behiştî derd-mend olmış
Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/
