Fâ`ilâtün fâ`ilâtün fâ`ilâtün fâ`ilün
1 Bir niyâz ile lebin emdirdi çok nâz itmedi
Lutf u ihsânı bana çok sevdigüm âz itmedi
2 Eyledi kânûn-ı `uşşâka mülâyim nagmeler
Mutrıb-i bezme hezâr ahsent nâ-sâz itmedi
3 Cân u dilden sakladı âşık gamun esrârını
Aşinâyân-ı kadîmi mahrem-i râz itmedi
4 Sayd-ı mürg-i câhdan bir lahza fârig-bâl olup
Çeşm-i âzi kanı bir şeh-bâz kim bâz itmedi
5 Evc-i istignâdan ey Yahyâ tenezzül eyleyüp
Himmetüm şeh-bâzı alçaklarda pervâz itmedi
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
