Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Bir melek-sîmâ perînüñ ‘âşık-ı şeydâsıyuz
Bir şeh-i iklîm-i hüsnüñ mu‘teber paşasıyuz
Kaddüñe lâyık sabâ-i midhat isterseñ eger
Râsti biz işbu sıfat ehlinüñ a‘lâsıyuz
Vasf-ı hüsn-i yârdan hâmûş olavuz sanmañuz
Biz bu gülzârın ezelden bülbül-i gûyâsıyuz
Gözde bir kem katreye lâyık degül sûfî velî
Gel bizi gör ki bu zîbâ dürlerüñ deryâsıyuz
Kimseye baş egme ey serv-i revân didüm didi
Ey Behiştî biz tevâzu‘ ‘Adn’inüñ Tûbâ’sıyuz
Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/
