Fâ’ilâtün/ Fâ’ilâtün/ Fâ’ilâtün/ Fâ’ilün
 Remel: - . - -/ - . - -/ - . - -/ - . –
 
1 Bir mahalde ey gül-i ter nâ-gehân gördüm seni
 Havf-ı agyâr ile ammâ kim nihân gördüm seni
2 Hârveş etrâfun almışdı rakîbân gerçi kim
 Nev-şüküfte gül gibi hande-künân gördüm seni
3 Dünki gün bir reh-güzerde hancer elde nîm-mest
 Kec-küleh bâzû açık pek bî-amân gördüm seni
4 Ebr-i kâkül açılur geh gâhice rû-pûş olur
 Mâh-tâbum geh ‘ıyân u geh nihân gördüm seni
5 Bahr-ı eşkün cûş kılmış başdan aşmış gavtası
 Yâverâ n’oldı sana gâyet yamân gördüm seni
 
Dr. Kaplan ÜSTÜNER, ENDERUNLU HASAN YÂVER DİVAN [İnceleme-Metin-Çeviri-Dizin], https://ekitap.kulturturizm.gov.tr/Eklenti/10608,enderunlu-hasan-yaver-divanipdf.pdf?0