Fâ‘ilâtün Fâ‘ilâtün Fâ‘ilâtün Fâ‘ilün(1)
1. Bir felekdür sanki eşk-i çeşmüm üzre her habâb
Anda ey meh ‘aks-i ruhsâr-ı münîrüñ âfitâb
2. Perde-i çeşmüm hayâlüñ şâhınuñ otagıdur
Kim aña her yañadan müjgânlarum çekdi tınâb
3. Hâle olmaz dirler idi mihr-i ‘âlem-tâbda
Yâ nedür devr-i ruhuñda bu hat-ı müşgîn-nikâb
4. Tutdı etrâfına anuñ hârdan havlı müjem
Tâ şeb-i gamda harîm-i dîdeme girmeye hâb
5. Şâh-ı gamdur Emrî dîvâr-ı hisâr-ı çarhda
Tôp-ı âhı tokınup kaldı degüldür âfitâb
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
