Mef‘ûlü/ Mefâ‘îlün/ Mef‘ûlü/ Mefâ‘îlün
Biñ ta‘ne taşın atsañ sözüñ baña yek gelmez
Câna elemüñ çekmek ‘âlemde emek gelmez
Bir ejder imiş ‘ışkuñ kim aña gıdâyiçün
Biñ bencileyin bî-dil sîmurga siñek gelmez
Gördüñ ki göñül yâra varup güle başladı
Zabt it anı erkenden yohsa giderek gelmez
Ben rûze güni görsem ebrûsı hilâlini
‘Îd oldugına ol gün bir zerrece şekk gelmez
Yârüñ ki yürek korkup tîrinden ide i‘râz
‘Âlemde Behiştî hîç ol baña yürek gelmez
Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/
