[309]
Mef`ûlü Mefâ`îlü Mefâ`îlü Fe`ûlün
1 Bir lem`a cebînüñde konan nûr görinsün
Biñ dilde yine meş`ale-i Tûr görinsün
2 Dil mahşere dek mest-i harâb-ı sitem olsun
Tek bir nazar ol gamze-i mahmûr görinsün
3 Aç dâr-ı şifâ-yı lebüñi nutka tabîbüm
Bir harf ile biñ sıhhat-ı rencûr görinsün
4 Kıl nâzuñı hem-dûş-ı tebessüm reh-i cevre
Sermâye-i şûr u za`af-ı hûr görinsün
5 Agyâra bu ülfet niçe bir gâhîce cânâ
Yanuñda ne var Nâmî-i mehcûr görinsün
Yard. Doç. Dr. Ahmet YENİKALE AHMET NÂMÎ DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ
