- - . / - . - - / - - . / - . - -
1.Bîmâr gözlerüñden irişdi câna âfet
Şimden geru efendi sen sag u ben selâmet
2.Mânend-i âb u âteş bî-sabr u bî-sükûnem
Cismümde âb-ı hasret göñlümde nâr-ı firkat
3.Devr-i felek beni bir meh-pâreden ayırdı
Kaddüm hilâle döndi düşdi dile harâret
4.Dil-ber vedâ‘ iderken nola helâlleşirse
Zîrâ bilür komaz sag ben zârı derd ü hasret
5.Necm-i sirişk-i demdür olsa ‘Atâyi zâhir
Gitdi tolandı gözden ol âfitâb-ı tal‘at
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
