. - - - /. - - - /. - - -
 
Bahâr oldı yine lâle ele câm aldı rindâne
Benefşe şeb-külâhını kıvırmışdur levendâne
Habâb-ı mey gibi zâhid şarâba vireli tâcın
İçer rind-i cihân olmış gezer mey-hâne mey-hâne
Dutup meclisde dildârı güç ile bûsesin alur
Kosun bi’llâhi ey sâkî harâmîliği peymâne
Murabba’lar geyüp sûfî müselles nûş ider dâyîm
Geçüp mey-hâne sadrında oturmışdur emîrâne
Revânî ‘ârif ol elden düşürme hâtem-i câmı
Bilürsin kalmamışdur çün cihân mülki Süleymâne
 
 
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8