Bilsem mi aceb ne’itdüm hûnî gözüñe yara (557/1)
Kim yüregümi urdı gamze oh-ıla yara
Bu devr-i kamerde ol ne kopdı ki remz itse (557/2)
Bir gamzesi uyhudan biñ fitneyi uyara
Vakt oldı visâlüñ kim merhem koya derdüme (557/3)
Niçe bir ura hicrüñ cânuma benüm yara
Pervâneye sordum kim oda neye yanarsın (557/4)
Didi ki yahılmadın irişimezem yâra
Sen cânuñı sevdükçe maşûka yaramazsın (557/5)
Var cânuñı terk eyle maşûk işine yara
Candan içerü gizle ışkıñı ki er oldur (557/6)
Kim cân vire ü râzın bildürmeye deyyâra
Gel Ahmedi Eyyûb ol cevrine sen ol yâruñ (557/7)
Ger sini Zekeryâ-veş ol buçgu-y-ıla yara
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
