308
Mef‘ûlü Fâ‘ilâtü Mefâ‘îlü Fâ‘ilün
1 Bildüm o gül-‘izârı hezâr-âşinâ imiş
Bülbül gibi fütâdeleri bî-nevâ imiş
2 Dil-dâdelik perî-sıfatân-ı zamâneye
Âşüftegân-ı ‘aşka görinmez belâ imiş
3 Olmış ‘adûya reh-güzerinde meger dûçâr
Bu hışm-ı nâ-be-câsı o şûhuŋ be-câ imiş
4 Def‘-i gam it şarâb ile dirlerdi aŋladum
Halkuŋ savâb-dîdi ser-â-ser hatâ imiş
5 Bilmezdüm olmadukca yem-i ‘aşka âşinâ
Silî-i çâr-mevc belâ-der-kafâ imiş
6 Halkuŋ kadin ham eyler imiş keSret-i ‘iyâl
Kadd-i kemân dü-hâneliginden dü-tâ imiş
7 Mesmû‘ idi bütânda vefâ olmak ‘âşıka
SÂKIB vefâ didükleri yek-ser cefâ imiş
Kırbıyık, Mehmet. Kâtib-zâde Sâkıb Dîvânı. https://ekitap.kulturturizm.gov.tr/dosya/1-275466/h/katibzade-sakib.pdf [erişim tarihi: 01.05.2013]
