Bî-gümân dünyâda sensin baht u devlet râyetî (640/1)
Kim cemâlüñ oldı Hakdan halka rahmet âyeti
Her kime devlet gerek hidmet ide der-gâhuña (640/2)
Kim ciger kanı-y-ladur yâkût u lalüñ kıymeti
Yañaguñuñ fikri-durur dîn ü dünyâ revnâkı (640/3)
Dudaguñuñ zikri-durur ömr ü cânuñ lezzeti
Bini benden alduguñ-ıçun saña kul olmışam (640/4)
Her ki âşık ola yohluh-durur anuñ hilati
Cân dudaguñdan dilerdi kim ide-y-di bir süvâl (640/5)
Vakt-i teng ü nâzük-idi bulamadı fursatı
Her kişi bir nesneye muhtâc u yohdur ben kuluñ (640/6)
Senden artuh kimseye el-hamdü li’llah hâceti
Dünya-y-ıçun ger riyâ-yı-ıla_itse tâat her kişi (640/7)
Uş benem ol kişi kim terk-i riyâdur tâatı
Cândan artuh sini sevdi Ahmedî zîrâ bilür (640/8)
Kim seni sevmez kişi olmaz Muhammed ümmeti
Bu gün bu serv-i revân çün çemende bulındı (641/1)
Emân ü emni zemîn ü zemende bulındı
Nesîm-i râhat-ı reyhân irişdi cânlara uş (641/2)
Ne resme kim nefes-i Hak Yemende bulındı
Meşâm-ı rûh-demi revh-ile girü toldı (641/3)
Nice ki nâfe-i âhû Hotende bulundı
Azîz-i Mısr bu gün çâhdan halâs oldı (641/4)
Üveys girü diyâr-ı Karende bulundı
Gurâb u zâgı aradan sürübenüñ şeh-bâz (641/5)
Nirede varsa garîb uş vatanda bulındı
Zuhûr-ı şâh-ı muazzam bu mülke şükr-i Hüœây (641/6)
Havâss-ı nefha-i cândur ki tende bulındı
Zihî saâdet ü ikbâl ol şehüñ ki aña (641/7)
Uş Ahmedî bigi âzâd-bende bulındı
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
