124*
MefǾūlü/FāǾilātü/MefāǾīlü/FāǾilün
1. Bī-çāre bülbül iňledügi derd ü dāġı var
Her laĥža cān virür gülüň andan ferāġı var
2. Baĥrīlik ögrenür gibi gözüm bebekleri
Her bir yanında baġlu ikişer ķabaġı var
3. Yār işigine göz yaşı yetişdi didiler
Ey dil yolı izi açuķ olsun ayaġı var
4. Devr-i ġamuňda mülk-i dile hīc vech ile
Gelmez ħayāl-i ġayr Ǿacāyib yasaġı var
5. Göze ħayālüň az görinür lā-büd ey perī
Ħalvet-serā-yı dil gibi ħālī ŧuraġı var
6. Yildügi der-peyine düşüp zülfüňüň Münīr
Gördi ki bir şāhīndür ayaġında baġı var
Ersen Ersoy, Münirî Dîvânı, : T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2017 ISBN: 978-975-17-3803-5 Ana Yayın Numarası: 3557 Kültür Eserleri Dizisi-560
