[fā˓ilātün / fā˓ilātün / fā˓ilātün / fā˓ilün]
1 bezmi ey sāḳ/ yine pür-ṭumṭuraḳ etmez misin
iş ayaġa düşdü sen teşm/r-i sāḳ etmez misin
2 şevḳ-i ruḫsārıyla ol meh-pāreniŋ ey dil bu şeb
nūr-ı çeşmiŋ şem˓-i bezm-i iştiyāḳ etmez misin
3 yārdan aġyārı def˓e ṣūret-i ḥaḳdan gelip
zāhidā nuṣḥ olmaḳ üzre bir nifāḳ etmez misin
4 leyle-yi vuṣlatda dilberle yatarken ey göŋül
ṣubḥa dek end/şe-yi rūz-ı firāḳ etmez misin
5 mümkin olsa mey içüp la˓l-i nigārı būs edip
Vehbiyā meşrebce icrā-yı meẕāḳ etmez misin
Yrd. Doç. Dr. Ahmet YENİKALE, SÜNBÜL-ZÂDE VEHBÎ DÎVÂNI, Kahramanmaraş 2012
