523
Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Bezme gelse ol meh-i burc-ı melâhat her gice
Meclisi eylerdi reşk-i bâg-ı cennet her gice
‘Âlem-i dilde eger fikr-i ruh-ı yâr olmasa
Hâtırı a‘dâ-sıfat kaplardı zulmet her gice
Âh-ı âteşnâk-i ‘uşşâk ile yir yir âsmân
Gösterür ey mihr-i meh-peyker ‘alâmet her gice
Zâhid-i murtâza ihyâ itdürür tâ subha dek
‘Âşık-ı dil-hastenüñ âhı ne minnet her gice
Zülf-i şeb-rengiyle örter Ravziyâ ruhsâruñı
Baña gün göstermez ol hurşîd-tal‘at her gice
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
