Fâ`ilâtün Fâ`ilâtün Fâ`ilâtün Fâ`ilün
1 Bezme gel biñ nâz ile ey sâkî-i `âlî-cenâb
Eylesün rindânı teşrîf-i kudûmuñ kâm-yâb
2 Gamzeñi ser-mest-i câm-ı `işve eyle kim yine
Her nigâhuñ eyleye biñ `âlemi mest-i harâb
3 Nükte-senc olsun zebânuñ şîve-i ta`bîr ile
Gûş-ı câna irsün âgûş-ı tebessümden hitâb
4 Fitne-hîz-i nâz olsun cünbiş-i ebrûlaruñ
Dillere irsün lebüñden gâh lutf u geh `itâb
5 Eylemez Nâmî şarâb-ı Kevser olsa iltifât
Gamzeler câm-ı nigâhuñla idelden neşve-yâb
Yard. Doç. Dr. Ahmet YENİKALE AHMET NÂMÎ DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ
