fâ’ilâtün fâ’ilâtün fâ’ilâtün fâ’ilün
1 Bezm o bezm ahbâb o ahbâb ‘işret ol ‘işret degül
Mey o mey sâkî o sâkî hâlet ol hâlet degül
2 Bir mahalde dün dil ü dil-dârı gördüm vâh vâh
Yâr o yâr ‘âşık o ‘âşık ülfet ol ülfet degül
3 Cân ü cânân arasında vardı bir cân sohbeti
Cân o cân cânân o cânân sohbet ol sohbet degül
4 Dergehüñde hat ber-âver gördüm ol mâhı didüm
Meh o meh hâver o hâver tâl’at ol tal’at degül
5 ‘Âdet-i ehl-i Sitanbul iken evvel nâzükî
Şehr o şehr âdem o âdem ‘âdet ol ‘âdet degül
6 Hoş degüldür dûr idelden seng-i râhıyla başum
Ser o ser bâlîn o bâlîn râhat ol râhat degül
7 Pertevâ var özge yerler gerçi kim mey-hâneden
Mey o mey sâkî o sâkî hâlet ol hâlet degül
Dr. Ekrem Bektaş, MUVAKKİT-ZÂDE MUHAMMED PERTEV DÎVÂNI, Malatya-2007, https://ekitap.kulturturizm.gov.tr/Eklenti/10630,muvakkitzade-pertevpdf.pdf?0
