546
Mef‘ûlü/ Fâ‘ilâtün/ Mef‘ûlü/ Fâ‘ilâtün
Cândan geçerse ‘âşık bu ‘âlem-i fenâda
Bulur hayât-ı câvid ol ‘âkıbet bekâda
Ol husrev-i zamânuñ la‘lini yâd iderseñ
Eş‘âr-ı âbdâruñ şîrîn olur arada
Beytü’l-Harâm içinde mihrâba beñzemez mi
Kalsa n’ola dil ü cân ebrûy-ı Mustafâ’da
‘Uşşâka sen sen ol ey vâ‘iz dehânuñ açma
Makbûle geçmez ancak sözüñ düşer kesâda
Ravzî visâl-i yâre eshel tarîk odur kim
Cândan geçenler evvel âhir irer murada
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
