Mefâ`ilün fe`ilâtün mefâ`ilün fe`ilün
1 Benümledür dir imiş buy zülf-i cânâne
Haber nesîmdedür müjde sünbülistâne
2 Güzel göründi bize gice sâkî-i meclis
Gözinde neşve-i bâde elinde peymâne
3 Helâk iderdi anı reşk-i sîne-i mecrûh
Yetişmeseydi şehâ nâvekün eger câne
4 Ko Kays kıssasını kûh-ken hikâyetini
Hadîs-i `aşk u mahabbet degüldür efsâne
5 Şu sır ki câyı süveydâ-yı dildedür Yahyâ
Anı ne bülbül-i şeydâ bilür ne pervâne
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
