86-
Mefâ`îlün Mefâ`îlün Mefâ`îlün Mefâ`îlün
1 Benüm cânân ile rûz-ı ezelde ittihâdum var
Visâl ile firâkuñ farkı yokdur i`tikâdum var
2 Vücûdum hırmenin bâd-ı fenâ mahv itdi ser-tâ-ser
Muhassal bu ki `âlemde benüm ancak bir adum var
3 Baña ta`n itme ey zâhid eger âh idüp aglarsam
Benüm ol Kâsımü’l-erzâk işiginde murâdum var
4 Elem çekmem belâdan derd ü gamdan zerre derdüm yok
Benüm takdîr-i Mevlâya ezelden inkıyâdum var
5 Ziyâ’î herkesüñ bir mesnedi vardur bu `âlemde
Benüm der-gâh-ı Gîtî-âferîne istinâdum var
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ
