Mefâ‘îlün/ Mefâ‘îlün/ Mefâ‘îlün/ Mefâ‘îlün
Beni eşkümle gördüñse kapuñda satma sîmüm var
‘İnâyet umageldüm hem ‘azîmüm hem yetîmüm var
Ümîdüm rûyını sürsem kapuñ hâkine incinme
Kime ‘arz eyleyem hâlüm tapuñdan gayrı kimüm var
Cihân dârü’ş-şifâsından ne kaygu derd-i gamzeñ kim
Benüm bîmâr-ı ‘ışk olanlara hâzık hekîmüm var
Dem-i ‘Îsî’ye rûhum ben ölürsem itmeyem minnet
Gelür kûyuñ cenâbından sabâyâ hoş nesîmüm var
Cünûn mey-hânesinde olmayan âdem Süleymân’ı
Bu ‘âlemde Behiştî dime ki ‘akl-ı selîmüm var
Behişti Ramazan
