Benefşe saçlaruñ salmış gül-i ter üstine sâye (556/1)
Göñül hayrân u zâr olmış bu reyhân-ı semen-sâye
Tarâvetde atar aksi lebüñ lal-i Bedahşâna (556/2)
Letâfetde urur tane dişüñ lü’lü-yi lâlâya
Hatûn reyhân-ı cennetür yeşermiş kevser üstinde (556/3)
Ya rahmetden bir âyetdür yazılmış bedr-iken aya
Ezel nakkâşı yazarken cemâlüñ nakşını tammış (556/4)
Kalemden nokta-i anber bu gül-berg-i dil-ârâya
Perîşân-hâl olmışdur göñül zülfüñ sevâdında (556/5)
Bu dîvâne neden düşmiş bu pîç-â-pîç sevdâya
532
Ne bir gül bitdi gül-şende ki beñzeye bu ruh-sâre (556/6)
Ne bir serv oldı büstânda ki_ola hem-ber bu bâlâya
Ne şîrîn şerh ider sinüñ lebüñi Ahmedî Yâ-Rab (556/7)
Kim ögretdi bu sözleri bu tûtî-yi şeker-hâya
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
