[fâ’ilâtün fâ’ilâtün fâ’ilâtün fâ’ilâtün]
1 Bendesiyem bir şehüŋ ‘âlemde nâmıdur Kubâd
Hâk-i pâyın tâc-ı şâhî ise lâyık Keykubâd
2 Nerd-i ‘ışkuŋ oynayaldan ey kamer-ruh fi’l-mesel
Zâr olup tâs-ı felekde olmadı bir dem güşâd
3 Hâk olıcak derd ile Mecnûn metâ’-ı ‘ışk ben
Olmışam bâzâr-ı dehr içre olındukda mezâd
4 Hat mıdur bu safha-i nûr üzre yâ kilk-i ezel
Hûblık tugrâsını misk ile kılmışdur sevâd
5 Rahmiyâ yazmaga dil derdin ruhum evrâkına
Çeşmüm olmışdur devât u şerh-i eşkümdür midâd
Yard. Doç. Dr. Mustafa Erdoğan, BURSALI RAHMÎ VE DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3363 KÜLTÜR ESERLERİ , 2011,
