Mefâ‘îlün Mefâ‘îlün Mefâ‘îlün Mefâ‘îlün(1)
1. Ben ol sultân-ı ‘ışkam dûd-ı âhumdan ‘alem çekdüm
Melâmet defteri erkâmına evvel kalem çekdüm
2. Muhît-i ‘ışkda ben ol neheng-i ejdehâ-kâmam
Yidi deryâyı nûş itdüm hemân bir demde dem çekdüm
3. Habâb-âsâ görindi çeşmüme bünyâdı devrânuñ
Hakîkat meclisinde mest olup bir câm-ı Cem çekdüm
4. Yılıañ yüzlü güzeldür hançerüñ cânâ ne âfetdür
Çekince sîneye anı niçe dürlü elem çekdüm
5. Çü bildüm bu fenâ mülküñ bekâsı yok bir el öñdin
Ayak ayak fenâ iklîmine Emrî kadem çekdüm
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
