Fe‘ilâtün Fe‘ilâtün Fe‘ilâtün Fe‘ilün(1)
1. Beline hançer-i zer takmış o serv-i bâlâ
Âb-ı zerle yazılupdur sanasın servde râ
2. Dökilen jâle degül la‘l-i lebüñ vasfın ider
Agzı suyın akıdur goncalaruñ bâd-ı sabâ
3. Varak-ı çeşmüme nûr âyetini yazdı ruhuñ
Merdümüm nokta vü kirpüklerüm i‘râb aña
4. Zülf-i kâfir hat-ı ruhsâruña dînüm dir imiş
Küfri ezber okur imiş yine ol dîni kara
5. Jeng olur dûd-ı dilümden benüm âyîne-i mihr
Meh-i nev mıskaladur tâ ki seher ura cilâ
6 Âh-ı serdi komadı kasr-ı hayât içre huzûr
Emrî-i haste yirin zîr-i zemîn itse n'ola
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
