179
Mefâ‘îlün Mefâ‘îlün Mefâ‘îlün Mefâ‘îlün
1. Belâ-yı ‘ışka ugratdı beni bir Rûm sultânı
Meger sultânum Allâh eyleye bu derde dermânı
2. Esîr itdi beni bir kâfire göñlüm diyen zâlim
Halâs eyleñ o kâfirden meded siz bir müselmânı
3. Kilîsâya bile varmak ile yanınca mûmıyuz
Görelden sûretinde ol bütüñ envâr-ı îmânı
4. Gehi zülfi ‘asâsın ejder eyler halka Mûsî-vâr
Gehî ‘Îsî suyını gösterür la‘l-i bed-efşânı
5. Bu gün sultân kulıyuz Sun‘iyâ Mısr-ı muhabbetde
Efendim pâdişâhumdur benüm bu Rûm sultânı
6. Aña yok çare sultânîyeler ile vâsıl olmaga
Hemân papas etegin tut dilerseñ kucasın anı
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
