Belâ-yı hicri bî-cân eyledi cânânımuz gelse
 Muhassal görsek ol rûh-ı revânı cânımuz gelse
 
 2 Koyup üftâdesin agyâr ile niçün gider bilsek
 Bizi aglatmasa ol gonce-i handânımuz gelse
 
 3 Kebâb itdi dil-i sûzânı tâb-ı nâr-ı hicrânı
 Hemân şimden giri lutf eylese mihmânımuz gelse
 
 4 Nazardan dûr olaldan mülk-i dil gâyet harâb oldı
 Yapılsa gönlümüz ol şâh-ı âlî-şânımuz gelse
 
 5 Gözine teng ü târ oldı cihân yıllardur ey Yahyâ
 Gözin aydın dise `âlem meh-i tâbânımuz gelse
 
 
Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147