Mefâ’îlün/ Mefâ’îlün/ Mefâ’îlün/ Mefâ’îlün
 Hezec: . - - - / . - - - /. - - - / . - - -
 
1 Begüm bu âteş-i ‘aşkunla sûzân oldugum kaldı
 Giceler subha dek derdünle nâlân oldugum kaldı
2 Görüp hâl-i diger-gûnum bana rahm itmedün cânâ
 Niçe demdür gamunla zâr u giryân oldugum kaldı
3 Bütün yagmaya virdüm hânmân-ı sabr u tedbîri
 Tahammül itmeyüp bî-sabr u sâmân oldugum kaldı
4 Ne hâlüm ‘arz idebildüm ne nutka kudretüm oldı
 Hemân gördükde ol meh-rûyı hayrân oldugum kaldı
Dem-â-dem gayrılarla ülfet ider ol perî şimdi
 Benüm Yâver gibi mehcûr-ı cânân oldugum kaldı
 
Dr. Kaplan ÜSTÜNER, ENDERUNLU HASAN YÂVER DİVAN [İnceleme-Metin-Çeviri-Dizin], https://ekitap.kulturturizm.gov.tr/Eklenti/10608,enderunlu-hasan-yaver-divanipdf.pdf?0