88-
Mefâ`îlün Mefâ`îlün Mefâ`îlün Mefâ`îlün
1 Be hey zâlim mahalleñ topragı kan ile tolmışdur
Misâl-i Kerbelâ hûn-ı şehîdân ile tolmışdur
2 Benüm de kûy-ı cânân itlerine bergüzârum var
Seherde kâse-i kalbüm ciger kanıyla tolmışdur
3 Baña rahm eylemeñ firdevs-i kûyından görüp münfekk
Derûnum hep hayâl-i vasl-ı cânân ile tolmışdur
4 Belâ vü derd ü gam göñlümdedür sen ey ferâh var git
Saña va’llâhi yir yok hücre yârân ile tolmışdur
5 Ruhuñ vasfındaki şi`rüm ser-â-ser dehri tutmışdur
Vilâyet Şeyh Sa`dînüñ Gül-istânıyla tolmışdur
6 Gül-i fazl ey Ziyâ’î hîç bilür misin niçün yitmiş
Cihân gül-zârı hâr-istân-ı nâdân ile tolmışdur
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ
