fe’ilâtün fe’ilâtün fe’ilâtün fe’ilün]
1 Dil bakup dâgına hatt-ı ruh-ı cânâne deger
Pîrdür ‘aynek ile âyet-i Kur’âna deger
2 Çeşm-i pür-eşk ider çihre-i cânâna nazar
Şol müneccim gibi kim necm-i dırahşâna deger
3 Leb-i la’lüŋdeki cânâ görinen hatt-ı gubâr
Beŋzer ol mûrçeye mühr-i Süleymâna deger
4 Görsem ol lâle-ruhı dâgını dil seyr eyler
Bâgbân vakt-i seher ki gül-i handâna deger
5 Yâr a’dâyile ‘azm itse eger seyrâna
Rahmi-i zâr ırakdan anı zindâna deger
Yard. Doç. Dr. Mustafa Erdoğan, BURSALI RAHMÎ VE DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3363 KÜLTÜR ESERLERİ , 2011,
