335
- . - - / - . - - /- . - - /- . –
 
Şîve ögrenmiş kamer ol serv-i bâlâdan yine
Başına bir deste gül sokmış süreyyâdan yine
Bezm-i meydür bir gelincük sâkidür meşşâtası
Âyine almış ele câm-ı musaffâdan yine
Utanup meclis içinde kıpkızıl olmaz idi
Sâki-i gül-çihre reng almasa sahbâdan yine
Bir nefesde mu’ciz-i ‘İsâyi gösterdi müdâm
Söz açupdur lebleri var ise ihyâdan yine
Bir hayâl ile Revânî aldı dil-ber gönlümüz
Ögrenüp nâzükligi bu şi’r-i garrâdan yine
 
 
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8