Mef`ûlü fâ`ilâtü mefâ`îlü fâ`ilün
1 Bâr-ı gamun ham eyledi kaddüm ölem gibi
Ahir `adem yolına şehâ togrılam gibi
2 Her kim benân-ı yâri tutar hâmeye şebîh
Başı aşagı ola görem kim kalem gibi
3 Seyrümde seyr-i ravza-i rıdvâna varmışam
Cânâ harîm-i bâg-ı visâle irem gibi
4 Sem gönderürse yâr hayât âbıdur bana
Şerbet sunarsa gayr gelür câna sem gibi
5 Yahyâ dehânına düşeli görmedük dili
Bî-çâre şimdi sâkin-i mülk-i `adem gibi
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
