-445-
Mefâ`îlün Mefâ`îlün Mefâ`îlün Mefâ`îlün
 
1 Baña sor gayra sorma derd-i gîsû-yı perîşânı
 Uzun gice belâsın bilür ancak hastenüñ cânı
2 Çeküp kullâb-ı zülfüñle şehâ deryâ-yı hayretden
 Kenâr-ı vasla mâhî-veş çıkarduñ cân-ı lerzânı
3 Gice ser-mest olup ayagına dâmen gibi düşdüm
 Seher ol şevk ile gül gibi çâk itdüm girîbânı
4 N’ola tavr-ı cünûnı ihtiyâr itsem ki seyr itdüm
 Atar ol şûh bir dîvâneye seng-i firâvânı
5 Ziyâ’îdür cünûn iklîminüñ sultânı sultânum
`Aceb şâhâne tertîb itdi dîvâne bu dîvân
 
 
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ