Baña cevri firâvândur nigâruñ
Nitekim gül firâkından hezâruñ
2. Göñül ol bî-vefâya sabr u ‘ışkuñ
‘Iyân eyle ne kim var yoğ u varuñ
3. Göñül bir dem figândan olma hâlî
Egerçi nâleye yok iktidâruñ
4. Göñül feryâduña rahm itmez ol yâr
Aña beñzer ki hoşdur âh ü zâruñ
5. Göñül almakda key çâbüktür ol zülf
Giçürme elde dururken şikâruñ
6. Sen olduğuñ [yire] uğramaz ol yâr
Ne nef‘i yol başında intizâruñ
7. Görür kim bî-zer ü müflis gedâsen
Saña ‘Avnî niçe yâr ola yâruñ
